芒果皇長洲糯米糍 (已搬遷) 新店位置

我先生今日公司活動去左南丫島，食完天虹海鮮，都仲記得個老婆係屋企。所以就買左三舊芒果糯米糍孝敬我。最有趣係佢係南丫島買長洲既芒果皇糯米糍返東涌。佢話本來間店無咩人，但佢買完之後，佢d同事又買，糯米糍瞬間沽清。糯米糍拎左返黎都無痴埋一舊，我特登雪凍d先食，仲要襯埋我最愛既花花碟。芒果肉真係好大粒，啖啖肉，而且香甜新鮮，不過有少少榨。糯米糍皮厚薄適中，我覺得和芒果配合得恰到好處。下次有機會，希望去長洲本店試下有無唔同。