壽記海鮮酒家

營業中

休息中

認清呢個"壽"字今日約埋班fd.諗住一齊入南丫島行下，入到去搵間酒樓食飯，就見到壽記海鮮酒家，見到間舖舊舊地，覺應該幾地道下，叫個侍應過來，問佢有咩地道野推介 ，佢就話龍蝦好抵，問佢有幾抵，侍應話來貨多左所以平左，但又冇講幾錢兩，不過我地都信佢，點左龍蝦加伊麵，再叫左條石班仔，另一碟炒蜆，同一碟椒鹽鮮魷，一碟蝦醬通菜，一個咸魚肉餅，結果黎到“縮水龍蝦小伊麵$750” ，“超細石班$400”， “蝦醬通菜冇蝦醬，其他餸菜味道一般，但埋單盛惠$1819 ，當場O晒咀，老實講，野又唔好食，份量又超小，問價時就話市價，真係超級搵人笨，我要伸出正義之手，不想其他人“重蹈覆轍”，大家認清此店