影片
更多
2010-11-19
337 瀏覽
上一次黎南丫島行是吃天虹，今次公司攪行山團，也是吃天虹。但不是同事今次說，我也不知道一家在南丫島的海鮮酒家，撚手的，竟然是菠蘿咕嚕肉。其實南丫島行山很容易，一小時正常必定行得完，要注意就是出發點，你應該選定從索罟灣出發行到榕樹灣，還是相反，如果你的其一目的是吃，那你就要想想是先吃後行還是先行後吃了。是日為公司包團，所以是免費，但同事話價錢唔算貴，我印象中上次黎食海鮮都唔係話十分貴，但上次印象味道只是一般，可能是期望過高吧。先黎白灼蝦，蝦新鮮唔在講，但始終是養蝦，蝦味始終差ｄ，同埋唔知係咪當日全場爆滿的關係，感覺是蒸定了或蒸耐了，過左火位自然沒那麼爽口，完全是新鮮搭夠。椒鹽鮮魷很不錯，粉唔厚但平均，包得晒件鮮魷又唔會甩皮甩骨，鮮魷唔老，個人覺得是很高水準的鮮魷，再配甜酸醬，食下食下不其然食多幾件。油鹽水花甲錯不在花甲，錯在殼和肉不是一比一，唔排除係因為大鑊煮，我地ｄ花甲去左第二碟，但也真是太多齋殼了；油鹽水也不夠濃，可以再多少少鹽花提出花甲的鮮味，但單只花甲絕對是夠鮮的。蒜蓉粉絲蒸扇貝已起內臟，只留下帶子柱去蒸，蒜蓉粉絲都好足料，入味的蒜蓉粉絲搶去不少風頭，好此味的朋友一定吃得過癮。豉椒
其實南丫島行山很容易，一小時正常必定行得完，要注意就是出發點，你應該選定從索罟灣出發行到榕樹灣，還是相反，如果你的其一目的是吃，那你就要想想是先吃後行還是先行後吃了。
是日為公司包團，所以是免費，但同事話價錢唔算貴，我印象中上次黎食海鮮都唔係話十分貴，但上次印象味道只是一般，可能是期望過高吧。
先黎白灼蝦，蝦新鮮唔在講，但始終是養蝦，蝦味始終差ｄ，同埋唔知係咪當日全場爆滿的關係，感覺是蒸定了或蒸耐了，過左火位自然沒那麼爽口，完全是新鮮搭夠。
椒鹽鮮魷很不錯，粉唔厚但平均，包得晒件鮮魷又唔會甩皮甩骨，鮮魷唔老，個人覺得是很高水準的鮮魷，再配甜酸醬，食下食下不其然食多幾件。
油鹽水花甲錯不在花甲，錯在殼和肉不是一比一，唔排除係因為大鑊煮，我地ｄ花甲去左第二碟，但也真是太多齋殼了；油鹽水也不夠濃，可以再多少少鹽花提出花甲的鮮味，但單只花甲絕對是夠鮮的。
蒜蓉粉絲蒸扇貝已起內臟，只留下帶子柱去蒸，蒜蓉粉絲都好足料，入味的蒜蓉粉絲搶去不少風頭，好此味的朋友一定吃得過癮。
豉椒炒聖子是另一期待，大隻的聖子用豉椒炒很惹味；初時第一口吃下去覺得不錯，但之後辣味就來了，還真是幾辣，推斷來源是青椒，如果可以無咁辣會更好，辣味太重都吃不到聖子的鮮味了。
是日炒青菜是白菜仔，好新鮮也甜，不知是否附近的有機農場出品呢？
呢度既干燒伊麵炒得很合我口味，我喜歡濕濕地的，蠔油也夠味，這碟不似炒定，上到檯熱辣辣，非常不錯。
千呼萬喚，終於等到菠蘿咕嚕肉，真係幾唔錯，完全無骨的咕嚕肉不是生炒骨般有骨，秘訣應為炸粉，炸粉唔厚、香脆、還有獨特的味道，豬肉也很鬆化，而且那酸甜汁酸度甜度都不過火，如果真是拎獎我不會覺得奇怪。
炒飯失色，炒得太濕，雖然足料但無補於事，飯和麵相比，麵技勝不止一籌。
好奇怪，唔知點解最後先黎呢碟蒸倉魚，係咪漏單真係唔知，但飯麵都差不多食晒先黎，唯有齋食。沒想到條魚異常滑，好耐都無食過咁滑的倉魚，蒸既時間剛剛好，其實唔一定要班班聲先好食，其實煮得好，倉魚都可以好好味。
最後還有果盤，是日為菠蘿和哈蜜瓜，菠蘿好甜且無渣，相反哈蜜瓜則不夠甜。
天虹應該係南丫島唯一一間提供船出市區既酒家，但班次就唔算密，所以食飯時記住check班次；臨走派左上船証俾我地，目的地可以係中環或尖沙咀。但因為酒家的船不是大船，出海難免俾大船製造的海浪拋得勁，如果你怕暈船浪，奉勸你都係唔好貪呢ｄ小便宜了。
如此這般，就結束了半天的南丫島之旅了。
張貼
