影片
更多
2021-06-10
303 瀏覽
吃茶三千喺南昌嘅VWalk開咗新分店，見到佢開店頭幾日有8折優惠，即刻同同事一齊試試佢😆 不過唔知咩原因，有2杯招牌「雪芙」飲品都暫時無提供，唯有留返之後再試啦🙈 除咗配搭好嘅飲品，客人仲可以自選成杯飲品，由茶底到調味（例如配皇家厚奶、奶蓋慕思、青檸原汁等等），然後再揀埋配料、甜度、冰度～另外我哋仲留意到佢哋嘅飲品都好有「儀式感」同埋小心思，一杯飲品沖好之後，會由收銀嘅店員逐杯貼上封蓋貼紙，貼紙仲要有唔同款式，跟住再套埋佢哋手工製作嘅紙製杯套🤣 所以成個過程都有少少慢🤏🏼🤣 同埋個紙製杯套雖然都幾堅固，可以用多幾次，不過始終都唔太環保🙈 所講我哋都係要咗一個嚟影下相用就算喇🤭•🥢 國王珍珠奶茶 $34➡️$27.2呢杯珍珠奶茶用咗鳳眉紅茶，飲落茶味幾濃，但茶味偏甘；厚奶令到成杯奶茶變到稍為竭身啲，感覺真係比較濃厚～珍珠份量好多，食落Q彈有咬口，但甜味比較單一，飲到最尾無晒奶茶嘅時候就有啲寡😬整體嚟講比一般珍奶好飲嘅，可以一試～不過呢個價錢同份量，就算有8折都唔算好抵飲喇🙈•🥢 寶島經典水果茶 $36➡️$28.8呢杯水果茶好豐富，生果份量都幾多，有鳳梨、橙、蘋果、檸檬、百香果......
另外我哋仲留意到佢哋嘅飲品都好有「儀式感」同埋小心思，一杯飲品沖好之後，會由收銀嘅店員逐杯貼上封蓋貼紙，貼紙仲要有唔同款式，跟住再套埋佢哋手工製作嘅紙製杯套🤣 所以成個過程都有少少慢🤏🏼🤣 同埋個紙製杯套雖然都幾堅固，可以用多幾次，不過始終都唔太環保🙈 所講我哋都係要咗一個嚟影下相用就算喇🤭
•
🥢 國王珍珠奶茶 $34➡️$27.2
呢杯珍珠奶茶用咗鳳眉紅茶，飲落茶味幾濃，但茶味偏甘；厚奶令到成杯奶茶變到稍為竭身啲，感覺真係比較濃厚～珍珠份量好多，食落Q彈有咬口，但甜味比較單一，飲到最尾無晒奶茶嘅時候就有啲寡😬
整體嚟講比一般珍奶好飲嘅，可以一試～不過呢個價錢同份量，就算有8折都唔算好抵飲喇🙈
•
🥢 寶島經典水果茶 $36➡️$28.8
呢杯水果茶好豐富，生果份量都幾多，有鳳梨、橙、蘋果、檸檬、百香果...... 但偏甜咗少少，因為見餐牌話正常已經係市面上的70%甜度就冇叫少甜，鳳眉紅茶茶味幾清新，唔算濃～
•
🥢 又見檸檬塔 $34➡️$27.2
呢杯係玉露青茶+青檸原汁+奶蓋慕思，奶蓋聞落同食落都偏甜，有啲似棉花糖味，幾creamy，就咁食會有啲膩，但下面茶底用玉露青茶同青檸汁，都幾酸，一齊飲就清新好多～
不過奶蓋幾輕身，溶得有啲快。
•
🥢 水仙桂花+百花香蜜+纖玉果子 $34
呢杯係自己配搭嘅，揀咗水仙桂花做茶底，加百花香蜜，成杯都充滿花香同花蜜味，似好濃花香嘅蜜糖水，幾滋潤，但單調咗少少，好彩加咗纖玉果子，即係蒟蒻晶球，好有咬口，沾咗花蜜嘅甜，而且份量都多～
張貼
