影片
更多
2020-10-14
124 瀏覽
最近有朋友報料，話北角和富薈商場地庫新開咗個 Food Court，其實我都幾鍾意去美食廣場搵食，貪佢選擇多、價錢又夠大眾化，趁今晚得閒，一於過去八下。原來個美食廣場都唔算好細，佔地約有 8,000 呎，分為兩個區域，空間相當闊落。先行下掛滿土耳其玻璃吊燈嗰邊，裝潢充滿異國風情，由牆壁、地板、以至座椅都用上了色彩繽紛的圖案作設計，具濃厚民族色彩，令人有恍如置身國外之感。至於另一邊則以粉紅色為主調，內有花花牆壁，很是可愛。行了一圈，場內一共設有 8 間食店，有齊日本菜、韓國菜、泰國菜、星馬菜、四川菜、素食和甜品 Café 等，選擇都幾多元化。一次過食唔到咁多間，今次就先試下呢間以南洋美食爲主題的「NY GARDEN」。去 Counter 睇下餐牌，選項有喇沙、薑母雞湯麵、飯類、湯、特色小食、甜品及飲品，另外亦有兩款適合二人及四人的套餐供應。點咗個招牌二人套餐 ($198)，套餐包新加坡無骨海南雞半隻、油飯及明火椰子雞湯各兩客、炸蝦餅配黑松露醬、白灼時蔬、糯米糍、汽水或豆漿，非常豐富。海南雞大大碟，旁邊還有雞腸、雞胗、雞肝，分量十足。雞皮油潤肥美，一咬已食到雞油香。雞肉滑如雞髀，嫩口得嚟又
原來個美食廣場都唔算好細，佔地約有 8,000 呎，分為兩個區域，空間相當闊落。
先行下掛滿土耳其玻璃吊燈嗰邊，裝潢充滿異國風情，由牆壁、地板、以至座椅都用上了色彩繽紛的圖案作設計，具濃厚民族色彩，令人有恍如置身國外之感。
至於另一邊則以粉紅色為主調，內有花花牆壁，很是可愛。
行了一圈，場內一共設有 8 間食店，有齊日本菜、韓國菜、泰國菜、星馬菜、四川菜、素食和甜品 Café 等，選擇都幾多元化。
一次過食唔到咁多間，今次就先試下呢間以南洋美食爲主題的「NY GARDEN」。去 Counter 睇下餐牌，選項有喇沙、薑母雞湯麵、飯類、湯、特色小食、甜品及飲品，另外亦有兩款適合二人及四人的套餐供應。
點咗個招牌二人套餐 ($198)，套餐包新加坡無骨海南雞半隻、油飯及明火椰子雞湯各兩客、炸蝦餅配黑松露醬、白灼時蔬、糯米糍、汽水或豆漿，非常豐富。
海南雞大大碟，旁邊還有雞腸、雞胗、雞肝，分量十足。雞皮油潤肥美，一咬已食到雞油香。雞肉滑如雞髀，嫩口得嚟又夠結實，咬下啖啖肉，沾秘製辣椒醬和黑醬油品嚐，非常惹味。油飯色澤微黃，食落夠乾身，而且口感煙韌，粒粒分明。
伴吃的椰子雞湯亦超級正，湯內有不少滋陰潤肺嘅雪耳同椰肉，入口椰香十足，味道清甜。
另外炸蝦餅味道亦唔錯，蝦餅內藏粟米粒，入口爽彈鮮香，完全沒有油膩感，蘸點黑松露醬吃，分外滋味，是個不可多得的精采前菜。
菜心色澤翠綠，很是鮮甜，入口幼嫩無渣。糯米糍有榴槤同椰青兩款口味，選了後者。其實我都係第一次食椰青糯米糍，外層有椰絲包裹，內餡有粒粒椰青肉，口感十足，清新味美。
豆漿豆味很重，而且不會太甜，新鮮好味，食飽飽再飲返支，感覺非常完滿。
張貼
