南洋家 (希雲街) (已結業)

今晚happy friday諗住試下新菜式，就同埋屋企人黎食南洋菜🍾 餐廳包括了唔同地區，例如泰國、越南、新加坡等既特色美食😋沙嗲串燒當然係最出名，所以我哋都叫左幾串作為前菜😬雞肉串燒味道香濃，有一碟充滿花生香味嘅沙嗲醬，令人胃口大開！作為食肉獸嘅我哋，當然叫埋燒豬頸肉，配上酸酸甜甜嘅醬汁，好開胃～～主菜方面，我哋留意到佢有好多南洋特色嘅飯類！其中箭葉果飯好特別🤔️🤔️ 我地都未試過，一於試試😆 海南雞配箭葉果飯終於到😙 有兩款醬汁：一款有啲似薄荷醬，另一半就係甜豉油～ 箭葉果飯甜甜地，好像椰漿加香料嘅味道😆 幾特別又好味！ 加埋配菜、雞肉同醬汁，好有風味😆我哋仲叫咗個小食：巴東牛肉酥餅😋😋 依個好好吃呢！香脆酥餅+爽口青瓜+香濃巴東牛肉，真係絕配！！飲品都有好多選擇，夏天梗係要飲返杯珍多冰😆 好爽！今次的食物屋企人都讚好👍🏻😬😬