海港酒家

營業中

休息中

今年爸爸生日話想食澳洲龍蝦，諗緊食邊間時，咁見到海港南澳龍蝦做緊特價$298/斤、西澳就$258/斤，咁緊係帶阿爸去試下啦，自己去街市睇過南澳都要$368/斤。而家難得煮埋仲平過自己買。咁我預訂左6點，去到已經好多人啦，咁侍應帶我地出魚缸揀最大隻得2.5斤，有D失望囉。因為阿爸本身話要食4-5斤先有肉食。咁就揀2.5斤另加68蚊要芝士伊麵底。所以我地另叫左一個北海道花咲蟹三寶餐，餐包括左避風塘花咲蟹(足2斤)、海港燒鵝皇(例)同咕嚕黑豚肉。但可能太多人，食物上枱真係好慢。芝士龍蝦上枱時真係好大碟呀，阿爸話估唔到2.5斤都有咁多肉食，伊麵撈埋芝士我食左2大碗。另避風塘花咲蟹真係第一次食。估唔到都幾多肉。總括黎講都值得食，但如果怕等得內就應另選其它。