茶星人 (電氣道) (已結業)

一向較少幫襯茶飲店，皆因以前飲得太多，實在飲到有啲怕😂，不過嚟到呢間茶星人，見到出面隻咁可愛嘅連豬，忍唔住就買咗杯。由於剛食飽，飲唔落聽聞係茶店名物嘅芝士奶蓋茶，於是就叫咗杯無糖南非國寶茶。呢杯比我一般飲開嘅好飲，味道甘甘甜甜，雖然杯入面嘅冰塊數量唔少，但係茶味依舊濃郁，唔錯。其實南非國寶茶嘅功效多不勝數，由抗氧化，助眠，舒緩皮膚敏感同便秘，護齒，強化心臟，以至防癌等等，好誇張😲，畀廿二蚊就好似買回唔少健康，抵喎🤩。