小肥牛蒸氣石鍋火鍋專門店 (已結業)

旺角人煙稠密，成日驚等唔到位，去隔離既油麻地食小肥牛海鮮火鍋，前幾年興小肥羊，估唔到呢間小肥牛都咁有驚喜，叫左個龍蝦鮑魚粥火鍋4人套餐，4個人去當中1人免費，真抵食，平均每人$198咋。 有卡位圓枱，先放調味料，有指定醬料，另外前菜有青瓜，豆角凍食小吃，夠醒胃。 店員送上無懈可擊既海鮮盤，足料龍蝦鮑魚粥火鍋食材，有八款海鮮，有龍蝦、鮑魚、龍躉魚片、蜆、蝦、青口等，眼前已一飽眼福！店員細心講解食法，又招呼周到，幫手將食物直接放入石鍋中…先放蜆類，煙霧瀰漫，有黃金貝，彩貝，沙白，聽落已期待，好少一次過試幾種蜆，大約蒸5分鐘開蓋，不同大少的食入口好彈牙鮮甜。之後就蒸龍蝦！來自南非既龍蝦，平時少吃呢種，好大隻，肉質通透，蒸熟後吃下爽口啖啖肉，一人半隻，好肥美，感覺尊貴，龍蝦頭還有好多膏添！海蝦都好大隻，仲唔只一人一隻添！之後再落生猛鮑魚，大過隻湯匙，肉質煙煙韌韌，厚肉，鮑魚鮮味超鮮甜呀！之後當然唔放過其他火鍋料啦，叫了肥牛，一大片，多肉，還有花枝片、秀珍菇、唐生菜、鮮蝦丸，重點花膠放入粥底勁鮮甜！粥底有龍蝦鮮味，面有幾粒青提子乾，原來係因為食海鮮襯白酒，白酒係用提子製造而成，所以襯住粥底配海鮮