潮窩 (已結業)

見到紅磡開左間火鍋店，裝潢好靚好新淨，今日放工同左朋友黎試下！6點幾入到去仲未有好多人，選了一個卡位坐，每個卡位都有欄欄住，私隱度高。老細介紹了一個小食－泡椒鳳爪泡椒味好入味，腌得好有咬口，唔會太腍，食完之後成個口腔仲有一陣陣泡椒味，一邊等火鍋滾一邊傾計一邊食住鳳爪，幾好幾好。朋友想試下卜卜蜆鍋，自己不太愛食蜆，但這個鍋味道好好，奶白色湯底下其實有好多蒜泥，有少少莞茜調味，望住蜆一個個開，鮮味慢慢滲入湯底！蜆粒粒大隻冇沙，份量多，食到個人都飽飽地了。當然有叫下不同的火鍋料－蔬菜拼盤新鮮，條條菜都好幼嫩，仲有金菇木耳粟米豚肉片基本上渌一陣就食得，好濃豬肉味，靚野，嗌得冇錯。貢丸／蝦丸本身已經飽了，但打邊爐點都要食下丸，所以就叫左呢兩款，食完更加暖粒粒！