燒味滷師 (安發大廈)

營業中

休息中

聽同事介紹係公司附近有間燒味店唔錯，聽聞係由酒店燒味主廚主理，有信心保証，打算放工行過去望下，點知都幾多人買，忍唔住都買左d 返去試下。客家鹽焗雞雞肉好滑，整得非常入味，唔洗蘸醬亦好夠味，不過都有跟埋薑蓉同沙薑，可以一雞三吃。至尊燒鵝燒鵝燒得好香，外皮燒到脆皮，肉質有彈性，咬落有口感。老師傅燒腩仔買到返屋企食個皮仲係脆卜卜，係真正既皮脆肉嫩。燒味佬叉燒叉燒偏甜味比較多，肉質好軟熟，食落仲好juicy。