滷府 (已結業)

今日返屋企食飯加餸，放工飛去附近一間滷水店買返屋企同屋企人一齊食開心share。佢只有外賣冇堂食，附近office lunch同事食過都推介。呢間滷水店叫滷府，即刻令人諗起老虎🐯同屋企人食每款都叫啲試下啦，叫咗個滷水拼盤，裡面有滷水豬耳夠入味有彈性爽口，滷水千層豆腐幾香豆味口感幾得意，橙色滷水墨魚每次必叫嘅item q彈q彈，仲有我最愛嘅鵝腸鵝肝！鵝腸唔太肥又夠爽口，有香香嘅米酒味，令人想再食多條。鵝肝好入味口感有粉又滑，好香鹵水味又冇蓋過鵝肝嘅油香味，送酒送飯一流！加餸真係一個好選擇，一家人都鐘意食，仲食多碗飯！最後仲有佢送嘅師傅整嘅咸酸菜，出奇好正，如果有得買我會買返樽係屋企食😝下次在試埋其他滷水鵝片，慢煮叉燒，同埋豬大腸，豬腩肉都好吸引。