影片
更多
2017-02-16
1399 瀏覽
今日去天后拎嘢，離遠見到呢間裝修咁新潮，但係掛晒啲鵝呀，紅腸呀係度，又見到貼咗好多明星相，於是行去八下。係門口睇，已經有個姐姐好熱情咁出黎推介，今晚要去個朋友屋企食飯，時間又咁早，咁買定上去邊食邊等都好~ 姐姐問我想試咩，我話想食鵝片，另外就等師父介紹啦，因為我啲朋友咩都食嘅~ 睇見選擇都好多，而且環境好乾淨，唔似出面一啲滷水店咁痴立立~ 等緊嘅時候又想食螄蚶，於是再加，嘿嘿！埋單二百五蚊左右~正呀！去到朋友度，急不及待開盒，超大盒，個個都話抵呀，入面仲有豬腸同豬頸肉。滷水鵝好入味，而且啲鵝仲好滑，唔會鞋同硬，豬腸完全冇怪味，仲要好淋，豬頸肉都好香，滷水汁又唔會過咸，唔洗10分鐘已經清晒~螄蚶好鮮甜，而且啲殼洗得好乾淨架，隻隻都白雪雪，雖然唔算好大隻，但係個汁都好入味，而且好新鮮，好正呀！
係門口睇，已經有個姐姐好熱情咁出黎推介，今晚要去個朋友屋企食飯，時間又咁早，咁買定上去邊食邊等都好~ 姐姐問我想試咩，我話想食鵝片，另外就等師父介紹啦，因為我啲朋友咩都食嘅~
睇見選擇都好多，而且環境好乾淨，唔似出面一啲滷水店咁痴立立~ 等緊嘅時候又想食螄蚶，於是再加，嘿嘿！埋單二百五蚊左右~正呀！
去到朋友度，急不及待開盒，超大盒，個個都話抵呀，入面仲有豬腸同豬頸肉。滷水鵝好入味，而且啲鵝仲好滑，唔會鞋同硬，豬腸完全冇怪味，仲要好淋，豬頸肉都好香，滷水汁又唔會過咸，唔洗10分鐘已經清晒~
螄蚶好鮮甜，而且啲殼洗得好乾淨架，隻隻都白雪雪，雖然唔算好大隻，但係個汁都好入味，而且好新鮮，好正呀！張貼
