食力點心·雞煲專門店 (已結業)

雞煲邊爐聽得多，加埋點心就第一次見原來依間嘢嘅點心係全日供應，所以以後就算夜晚口痕想飲茶，食返一盅兩件都唔使驚冇地方去講返個點心拼盤先，份量唔多，兩人食佢俾4件，有潮州粉果同蝦餃，皮薄有咬口，熱辣辣蒸起，食完真係意猶未盡之後有個男職員捧住煲雞放上電磁爐，然後係我哋面前快炒啲滋滋聲加上麻辣雞香，搞到我哋都忍唔住，一連食咗好多件雞然後佢哋好似食放題咁，第一轉叫嘅嘢食會排得靚靚咁俾我哋因為太餓嘅關係唔記得咗影雖然選擇唔多，但係樣樣材料都好新鮮，肥牛特別靚，唔似得一般火鍋店鬼死咁肥雪花又唔均勻總括黎講對呢間嘢勁滿意，再有飯聚都會再嚟