一燒窰 (已結業)

旺角餐廳一向俾人臥虎藏龍嘅感覺，呢日朋友介紹嘅一燒窰就係其中一間我覺得好有驚喜嘅小店！蟹膏蟹肉煲食落充滿蟹鮮，還有絲絲蟹肉，鮮味濃郁，食之前倒生鵪鶉蛋落去攪拌，食落更香更滑。鰻魚飯定食超級抵食，$108竟然有原條鰻魚，仲要有埋前菜同麵豉湯，單係黎呢度食鰻魚飯都抵呀。鰻魚都毫不欺場，非常厚肉，加上調味岩岩好嘅燒汁，好滋味。西京燒銀鱈魚定食同樣唔好錯過！塊銀鱈魚大過塊面！好誇張！銀鱈魚嫩滑入味，甜甜嘅醬汁好岩送飯。餐廳叫一燒窰，當然要試下佢嘅串燒。點佐燒多春魚，$20有三條，價錢同樣親民。多春魚燒得恰到好處，反而帆立貝（$25/3件）嘅醬汁調味略為鹹佐少少。