綠摩 (已結業)

諗住去睇下模型點知搬咗，宜家變咗間外賣薄餅店。入面又真係有個石爐即叫即做pizza，好似幾好就叫個人一人份量試吓。Pizza 除咗一般款色之外，仲有一款同餐廳一樣名嘅「綠摩」。有辣肉腸、西班牙黑毛豬腸、蕃茄醬、雙色車打芝士之外，仲有墨西哥脆片、酸忌廉、牛油果醬。係一款墨西哥風味嘅Pizza幾特別。牛油果醬同埋酸忌廉都好重手，所以食落好Creamy，餅底偏向脆身，有少少餅乾feel。 9寸其實一個人都夠晒飽。另外叫咗個煙三文魚芝士春卷，呢個真心好食。打絲芝士加埋咸咸香香嘅煙三文魚，春卷又炸得脆，仲有wasabi沙律醬點，一定要試吓。不過呢度主打外賣，得一張枱喺舖頭。拎走食就最方便啦。