琉金穗月

營業中

休息中

平日黎冇乜人唔駛等位，本身入座時安排左張矮檯櫈俾我地（依張檯可能會岩淨飲咖啡吹下水），但我覺得如果想食正餐會食得唔舒服，所以想換另一張正常少少嘅檯，我指住某一張，佢地都好nice肯安排俾我地轉。餐牌唔算多野揀，因為我地要食lunch，所以pasta都係得3款揀，咁我就揀左明太子蜆肉蟹棒意大利麵$72因為係人手即整，等耐左少少。醬汁好creamy，一啖一醬汁，而且上面嘅紫菜都好fresh，份量都多，所以性價比高！海鮮risotto 老公揀的，蝦好彈牙我加左杯榛子鮮奶Coffee 同老公的菠蘿汁（跟餐要另加$18）榛子鮮奶Coffee有一點苦，反而我鐘意依個苦澀味。大概食左2百蚊左右啦，其實住係附近都係食過一次，記得之前食係麻麻地，可能依家轉左手，所以食物同飲品質素都比之前改善左好多。