黃金小館

營業中

休息中

🔆招牌點心蒸飯燉湯專門店🔆黃金小館深水埗北河街159號地下今日出嚟行街買護膚品，聽講黃金小館好好食😋我咁鍾意食點心嘅人一定要試吓啦，真係超多人幫襯，要排隊先有得食，好嘢先會咁多人排。即叫即整即蒸好新鮮，就算叫外賣都要等7分鐘，不停見到師父馬不停蹄咁整緊點心🧆壽眉 $10去茶樓都會飲壽眉，因為平時就少飲到呢隻茶香，食點心就一定靠杯茶要清腸胃。蝦餃四粒$34皮薄餡靚，蝦有鮮甜味道，太吸引啦👏🏻燒賣四粒$30好大粒，蝦肉飽滿，豬肉好入味😋小籠包$24皮薄多汁肉好味😋喼汁酸味剛剛好，食完之後唔會膩。春風得意腸$38真係菜如其名，有心思，炸兩腸可以做到皮薄，中間薄脆，廚師好高技巧加新鮮即整先可以脆到咁，再加上蝦蟹子粟米🌽口感清新。鹹水角$22新鮮，真係即叫即整，食到係今日嘅味道因為冇雪味，餡好足，韮菜係鮮綠色㗎‼️外型極度可愛嘅雞仔，創意度加分🥳酥脆蝦多士$34芝麻夠香，多士勁脆但絕不油膩！太強啦，每一塊都鋪滿左新蝦肉，口感好爽彈😄包邊會食到索索聲食完呢一餐就明白點解門庭若市，人流不斷，真係要好好味先可以喺深水埗立足。