Martabak Pecenongan 78

營業中

休息中

旺角中心簡直係掃街嘅勝地，裏面除咗一啲香港嘅地道小食雞蛋仔，章魚燒，茶飲店之外。今次行過見到有一間主打賣印尼月亮餅嘅小店新開，見到咁特色而且好多人排隊，就初嚐一下呢款咁地道嘅小食。店舖有兩位印尼人主打烹調，即叫即制，餐牌上中英對照，圖文並茂，方便order。月亮餅款式分鹹，甜兩種風味，口感就分厚底同薄底，各有特色。甜味版本初嘗仲可以揀迷你版，咁試多幾款口味都得啦😍厚底嘅就好似食緊格仔餅嘅口感，外脆內軟，煙煙韌韌，內層有蛋香味道，餡料亦都好多好豐富。薄脆款似薯片或咖喱角嘅口感。炸得非常香脆。最喜歡佢嘅雞肉月亮餅，裏面包滿雞肉，蔥香蛋香🥚，外層煎至金黃，配上附送的一包酸甜汁更加惹味。 ｛