影片
更多
2023-08-09
119 瀏覽
主打Puff Pastry 嘅甜品店繼屯門後喺銅鑼灣再開咗分店新店今次繼續用貓貓做主題🐱牆上掛滿世界名作二次創作嘅掛畫好逗趣🖼️檯上亦放滿可愛貓貓擺設🌸（鍾意嘅話可以即場買走呢～）小店主打拿破崙甜品原個拿破崙蛋糕落單即叫即製1個鐘起貨🕰️啱哂事事講求效率嘅香港人🤓未買過個心十五十六嘅話🤔大可以先買個小立方size 試咗鍾意先落單🔖 麻糬Mont Blanc 雪糕(抹茶）🍵抹茶用上日本老字號西村番茶屋🇯🇵茶味非常濃郁但少澀（食剩咗）🌱下層係士多啤梨雪糕（口味可自選）🍨入面仲有大大粒紅豆同麻糬都幾飽肚🫘用紙杯上略嫌浪費咗個甜品🫤唔用芭菲杯其實用雪糕脆筒效果都應該好得多🍦🔖 小立方拿破崙(沖繩紫薯)🍠拿破崙酥皮有幾百、幾千層都唔係重點酥皮唔會’淋Pat Pat’ 先最緊要😌小立方嘅酥皮同忌廉餡都分得幾開好處係你可以戴即棄手套將佢解體嚟食不過咁食又好似失咗拿破崙酥獨有嘅層次口感🤔酥皮本身新鮮整鬆脆度唔錯紫薯餡同忌廉份量少咗啲呢🍠建議可以改成麻糬Mont Blanc 雪糕🍨可以大大啖紫薯蓉放入口、效果應該仲好🔖 Iced Americano 🥤平時少飲Americano 嘅我都幾鍾意有貓貓圖案（隨機
主打Puff Pastry 嘅甜品店
繼屯門後喺銅鑼灣再開咗分店
新店今次繼續用貓貓做主題🐱
牆上掛滿世界名作二次創作嘅掛畫好逗趣🖼️
檯上亦放滿可愛貓貓擺設🌸
（鍾意嘅話可以即場買走呢～）
小店主打拿破崙甜品
原個拿破崙蛋糕落單即叫即製1個鐘起貨🕰️
啱哂事事講求效率嘅香港人🤓
未買過個心十五十六嘅話🤔
大可以先買個小立方size 試咗鍾意先落單
🔖 麻糬Mont Blanc 雪糕(抹茶）🍵
抹茶用上日本老字號西村番茶屋🇯🇵
茶味非常濃郁但少澀（食剩咗）🌱
下層係士多啤梨雪糕（口味可自選）🍨
入面仲有大大粒紅豆同麻糬都幾飽肚🫘
用紙杯上略嫌浪費咗個甜品🫤
唔用芭菲杯其實用雪糕脆筒效果都應該好得多🍦
🔖 小立方拿破崙(沖繩紫薯)🍠拿破崙酥皮有幾百、幾千層都唔係重點
酥皮唔會’淋Pat Pat’ 先最緊要😌
小立方嘅酥皮同忌廉餡都分得幾開
好處係你可以戴即棄手套將佢解體嚟食
不過咁食又好似失咗拿破崙酥獨有嘅層次口感🤔
酥皮本身新鮮整鬆脆度唔錯
紫薯餡同忌廉份量少咗啲呢🍠
建議可以改成麻糬Mont Blanc 雪糕🍨
可以大大啖紫薯蓉放入口、效果應該仲好
🔖 Iced Americano 🥤
平時少飲Americano 嘅我都幾鍾意
有貓貓圖案（隨機）襯番成個主題
張貼
