祥香茶餐廳 (已結業)

大學住宿舍時成日會去祥香食下午茶，估唔到十幾年後佢竟然就快光榮結業😭。呢度嘅奶茶、蛋撻及港式麵包都是全港數一數二的好食。今日難得順路去堅尼地城食lunch，即刻決定要要去祥香食飯，希望喺佢執之前點都要食一次。一個簡單的常餐、一個菠蘿油、一杯凍奶茶，都充滿著傳統的味道。而樓上雅座的閣樓亦非常有傳統特色，呀姐落單時大叫食物簡稱尤其親切☺️。最初坐低未有蛋撻，食到最後突然呀姐話蛋撻出爐，仲要係我至愛嘅曲奇皮，即叫一個！熱辣辣的蛋撻皮脆餡滑蛋香豐富，邊有得輸！輸在時代巨輪下，傳統老店被迫結業😢。希望祥香會喺第二個地方再續，延續這傳統的香港味道。