利口福快餐店

營業中

休息中

喺附近工作嘅另一半經常到訪利口福，不過我就一次都未食過，所以今次係首訪。到訪當日係平日早上，都幾多人架，快食快走，唔太需要等位。小店一間，裝潢欠奉，勝在地道又有親切感店內有少量位置可供堂食，廚房半開放，唔難發現店內嘅食物基本上都係即叫即做。話明快餐店，一般港式粉麵、常餐都有供應，亦有幾款精選快餐例如炒飯、炒河等。當然唔少得招牌三文治、漢堡同西多士珍寶沙嗲牛肉包 $33牛肉包賣相吸引，麵包鋪上滿滿牛肉，份量絕無欺場，每啖都食得到牛肉。點餐後可以見到店主即時以鐵板炒牛，醃好嘅牛肉加上炒到好腍嘅洋蔥、濃郁沙嗲醬，好惹味，新鮮熱辣。醬汁量適中，牛肉入味，唔會令麵包濕笠笠。單食牛肉可能會覺得有少少鹹，配上麵包食就啱啱好流心芝士豬扒漢堡包 $33漢堡包鬆軟唔乾，揸左牛油、沙律醬，豬扒即炸，外層脆口，油份唔多。切開豬扒可以見到芝士慢慢流出，名符其實。雖然芝士嘅味道質地唔算好濃稠，勝在唔膩口，輕鬆食哂成個。凍咖啡+$2雖然食嘅野好地道，環境普普，不過價錢相宜，又有人情味，可以黎試試。