岩盤牛扒 ミディアムレア ステーキ (博文街) (已結業)

黎大角咀帶唔一定淨係係奧海城揾野食既，原來附近有間日式鐵板牛。😎好少見食牛扒之前，有鋪頭既門面比你睇同親自揀牛肉。🥩🥩🥩有唔同部位可以揀，即刻現場睇到啲牛肉夠唔夠新鮮同油花分佈靚唔靚。牛扒按重量收費，要係入座之前落order，店員就係我面前磅重，🍖保證足磅，然後即放上鐵板上面煎好，夠熱辣辣～我就鐘意比較tender既牛肉，所以叫左🔸牛柳🔸300g，都幾大份。🔪一切開煎得岩岩好，最怕過熟，呢個內裡仲係好鮮嫩，肉質不錯👍，再加上面既蒜，非常惹味。加$28仲有套餐，我就揀左🥗沙律解下膩，同🥚温泉蛋，牛肉沾蛋汁都唔錯，飲品就再加$28叫左冰凍既suntory 啤酒，咁先夠爽！鋪頭裝修好似一間磚屋咁，幾有味道，而且位置幾寬倘，有唔少座位。