Comebuytea (形點) (已搬遷) 新店位置

平時好少去元朗,上一次已經係數以年計了。難得入元朗既YOHO MALL睇戲,就緊係搵下呢度有咩好食好飲啦!點知咁好彩比我發現呢度新開左一間台式飲品店,仲好似幾有特色添。去睇雷神3之前就入去買返杯啦~去到都有唔少人,要排一陣隊 第一次幫襯.都係揀返佢個TOP5好啲,要左杯桂花釀烏龍,跟住要耐心等下,因為係即磨即泡既。等候期間,欣賞下個環境先。後面有個多個並排既cylinder,裝住有唔同既荼葉。見到啲工具好似沖咖啡咁,都係放上個壓斗到磨。最型既就係部機沖緊茶個時既樣同埋聲都好正好吸睛!!睇睇下,好快就有得拎野飲啦桂花釀烏龍 $28 (好似係)味道唔錯,烏龍茶味幾出,再帶點淡甜桂花香,都幾match既!整體感覺都會令我想再試其他既~介紹返個流程