HABO室內釣蝦場 (已結業)

悶悶地想搵啲野玩，終於去咗Bookmarked 左一陣子嘅石門室內釣蝦場喇。 呢個場靚得來之餘特別之處係在於仲有一個清水池, 可以望住啲生猛嘅蝦游嚟游去。釣蝦比釣魚難度高啲，因為蝦有時會用個鉗去夾住啲餌，游一陣先食，所以我地要有耐性唔可以打草驚蛇架！不過唔使驚，就算係新手唔識，職員都會教我地唔同釣蝦技巧，仲會時不時添蝦，務求在場每個人都可以一嚐釣到嘅滋味。經過2個小時嘅鬥志鬥力😂 ， 宣布收穫係9隻！即場燒製， 蝦肉新鮮彈牙已經唔使講，特別鐘意醬油味，濃烈帶鮮，每隻蝦都開咗邊，會特別入味。同場仲有鹽燒同麻辣味可以選擇，味道一樣出色。