八公料理 X 不倒翁室內釣蝦場 (已結業)

位於荔枝角的八公料理X不倒翁室內釣蝦場。餐廳門前有可愛無臉男裝飾，以日式燈籠裝飾，枱凳以木色為主，空間感足夠。蝦池比想像中大，有無臉男公仔在池邊，造型仿似在觀賞池中小蝦，非常可愛。職員會先講解基本釣蝦技巧，講解完之後就開始落場實戰啦。釣左一陣就有蝦到上釣啦，但因技巧未掌握，只見蝦頭上水後，就走甩跌返入池中。其後有工作人員再教授多些釣蝦技巧，終於釣到人生中第1隻蝦啦。哈哈。原來釣蝦都唔係想象中甘難，可以訓練耐性，好玩之餘仲有得食添。釣上黎既蝦可即燒即食，可㨂白灼/鹽焗，我地㨂左鹽焗，自己親手釣上黎既蝦特別好食，仲點左幾款街頭小食，有咖哩深海/陳皮魚蛋、魚肉/豬肉燒賣、豉油皇炒麵、燒司華力腸一齊食。鹽焗新鮮蝦燒到脆卜卜熱辣辣，蝦肉肥美爽彈；魚蛋口感彈牙；燒賣煙靭軟綿；司華刀腸外面搽左蜜糖，外脆內軟；豉油皇拉麵上枱熱騰騰，調味適中。新手既我竟然都有收獲，真係好有滿足感呀。🔎八公料理 X 不倒翁室內釣蝦場 (荔枝角)📍荔枝角長裕街10號億京廣場II地下2號舖