風味園

營業中

休息中

原本想去食清湯腩當早餐，但朋友仔堅持要食茶餐廳即食麵，無所謂啦。第一次幫襯，普通舊式茶餐廳格局、出品同服務，細看 menu 後，發現非常多不同菜式，中港澳西日韓都有噃 ~炒滑蛋火腿配脆豬包，炒滑得做得幾好，雖然唔係即炒，都仲暖暖地，收貨啦。火腿有略略煎過，無偷懶，可以啦。我對麵包麻麻地，特別又乾又硬既更不喜歡。五香肉丁出前一丁，難得煮得咁好，以我依個即食麵癡黎講，麵質 good，無過腍，仲係爽滑添 ﹗而且湯底濃淡適中，唔會太多水搞到個湯淡晒。罐頭肉丁無問題啦，份量滿意。