The Pawn (已結業)

有日老闆要求有露台chill下既餐廳一齊聚餐 我地一諗就諗到the pawn...如果天氣唔太凍又好陽光，坐係個露台位食野環境真係一流！仲可以歷史建築度見到灣仔電車加路人來來往往既感覺。講番食物 我地係叫左聖誕lunch set, 好坦白講就係食環境啦，因為味道唔會話非常出色，但擺盤就真係幾靚。叫左個火雞胸，雞肉比較老，味道就還可以啦。另外見到menu有斧頭扒，都成千蚊，但同事一致決定都要叫番碟試下。牛排入味，不過我地叫medium rare，反而就煮得熟左小小。最後甜品係芒果糯米飯，呢個好有驚喜。我地形容佢有小小分子料理既感覺，可以一試！