萬豚屋

營業中

休息中

難得係尖沙咀搵食但滿街都係人，突然諗起久違咗多年嘅萬豚屋便行嚟睇吓，幸好此店捱得過疫情又唔使等位，立即坐低開餐。凍奶茶幾大樽，茶味可以，不過甜咗啲。清酒係店員推介，酒唔啱我，朋友就話好飲。上枱時烏冬窩仍滾緊，厚切豚肉炆得好正，有油香又唔柴，好彩揀咗4件版本，烏冬就一般，加$10轉稻庭烏冬會好啲，湯底算係香濃嘅。玉子燒份量幾大，上面有好多沙律醬，入面又有好多好甜的豬肉絲，最啱鍾意甜口味的食客。一口牛係煎炸唔係燒，一啲炭香味都無，嚡口又無牛味，下次唔會再叫。日式炒雜菜帶甜，算是正常發揮。