古味坊 (已結業)

疫情下六點後只能外賣，除了買左幾個熟餸外，是晚阿姨仲帶了兩個古早味蛋糕大家食。元朗開了好幾間古早味蛋糕，是晚試試古味坊。打開後香味撲鼻，拎上手十分重手，感覺不錯。原味，滿滿的蛋香。顏色黃黃的，而且好大件喎。切下挺鬆軟的。拎上手軟綿綿，咬落幾厚實，豐厚質感係飽肚型蛋糕。另一款是綠茶味，同樣沉澱澱好重手。綠茶味深綠色，顏色唔假喎。食落有驚喜，超香綠茶味，微苦濃茶香，係真茶味黎，好正喎。份量意外地大份，一家十二口都食唔晒兩件，淨返聽日再食先。