龍鳳號 (已結業)

龍鳳店出名左好一段長時間，果然堅正，價錢又超平民～呢晚早放工我自己黎食架🤣飯麵食、小菜、小食通通都好多款揀，我揀左啲平時好少食到嘅野～台南擔仔麵（$38)擔擔麵食得多，擔仔麵就第一次食咋～係類似金邊粉嘅麵條，面頭有炸蒜、肉燥同芽菜，聞落食落都好香！鹽酥菇（$42)唔好睇少佢份量，其實有成超過二十粒菇架，食到我勁飽🤣係外皮香脆內裏多水份同新鮮厚切嘅肥菇。鍾意佢嘅炸粉夠薄，同蒜鹽味非常夠桂圓雪梨茶（$28) &古法烏梅汁（$28)凍嘅茶飲全部都係呢啲支裝好方便，均一$28, 呢兩款飲落都係低糖，頓時幫我清一清熱氣感