夏雪 (已結業)

「夏雪」，聽個名以為係甜品cafe，Menu上飲品食品種類齊全，好奇之下試了兩款鹹點配主打窩夫。「日式咖哩慢煮雞胸」及「燉煮牛肋條」份量十足，配上另外調味的沙律菜，以及外脆內軟嘅窩夫，質素有別普遍的Cafe食品。一問之下，原來呢度所有菜式都是店家自行研製。佢表示，唔想成為另一家堆砌腸仔煎蛋的全日早餐店，認為只有一手一腳煮出來，配合時令而轉變食材的菜單，先至對得住客人及價錢。除咗食物，呢度嘅嘢飲當然唔可以忽視。「椰青Coldbrew」使用自家拼配豆，味道清香。Green Tea Sour係抹茶粉加檸檬汁及Tonic，酸酸甜甜茶味十足。店內裝潢樸素，附近環境幽靜，如果想度過一個寫意嘅午後，相信呢度會係唔錯嘅選擇。希望下次可以來試埋佢地嘅雞尾酒！