日喜樓 (已結業)

喺Times睇完戲，嚟到附近嘅V Point食中菜， 餐廳內除咗傳統中式大圓枱外，仲有寬敞嘅卡位， 寬敞舒適。 呢度近日推出蟹粉菜式，有朋友最愛嘅蟹粉小籠包，點可以唔試！蟹粉小籠包 $44 每粒小籠包都脹卜卜，充滿湯汁， 一咬開蟹粉鮮味蜂擁而至。有水準！橙燒最脆鱔$148鱔條炸得香酥可口，裹上一層酸甜醬汁，十分開胃。最拿手(豬手)$63無骨豬手夠彈牙，調味偏淡，卻令酒味更加突出。酸菜桂魚$288師傅將原條桂魚完全起骨，一片片嫩滑魚肉，紋理細緻，口感極佳。酸辣程度調配得恰到好處，闊身薯粉吸收湯汁精華，同醃酸菜，蘿蔔一齊食簡直係絕配。