燒蝦蝦 (興泰大廈) (已結業)

🙆🏻‍♀️哈哈笑💜蝦蝦燒🙆🏻‍♀️其實呢一間餐廳我已經嚟過幾次！至於你問我點解會再嚟係因為我覺得其實呢度啲嘢食幾抵食，最緊要係有得自己夾下成個過程好玩！🙆🏻‍♀️我最鍾意呢度好多嘢食！呢度啲嘢食全部種類都好多，淨係講海鮮已經超乎你哋想像嘅境界！除咗普通嘅鮑魚啊、閃杯啊，呢啲普通嘢佢仲有螺、貴妃蚌、最緊要係佢仲有好多新鮮唔同嘅魚🐟！嗰啲魚係成條！唔係切件。🙆🏻‍♀️蔬菜類同埋肉類都有好多選擇！蔬菜類同埋肉類就係喺海鮮旁邊，有啲蔬菜已經串成一串串方便我地拎去燒。我除此之外，仲有其他唔同類型嘅串燒，我覺得一串串呢個概念幾好。因為有陣時一張枱未必有咁多個夾。如果傳承一串串嘅話，我哋就可以利用竹籤將佢反面。