影片
更多
2022-12-07
11 瀏覽
星期一＄1菜式勁吸引，係泰式明爐烏頭魚熱騰騰原條魚上枱，湯頭有芹菜、酸梅、肉碎呢啲配料，味道酸酸微辣，魚肉吸滿湯汁，鹹、酸、香集於一身，越食越開胃！我哋真係好鍾意食咖喱😁不約而同睇中兩款咖哩～✨泰皇咖喱炒大蝦蝦身超大隻，用上大頭蝦，肉質爽滑結實。✨咖喱麵包海鮮盎材料有青口、蝦仁🍤、魚塊，用脆卜卜嘅麵包包住，清潔完手之後，用手撕開麵包，點住醬汁一齊食，麵包吸晒醬汁嘅精華，香脆又惹味。兩者咖喱汁食落味道唔同㗎，大蝦嘅咖喱多咗蛋漿，食落更幼滑，多咗一份甘甜。海鮮咖喱就比較香濃，各有特色！甜品係芒果糯米飯，餐廳用上白糯米，煙煙韌韌，芒果選料上乘，入口真係超香甜又多汁👍🏻
熱騰騰原條魚上枱，湯頭有芹菜、酸梅、肉碎呢啲配料，味道酸酸微辣，魚肉吸滿湯汁，鹹、酸、香集於一身，越食越開胃！
我哋真係好鍾意食咖喱😁不約而同睇中兩款咖哩～
✨泰皇咖喱炒大蝦
蝦身超大隻，用上大頭蝦，肉質爽滑結實。
✨咖喱麵包海鮮盎
材料有青口、蝦仁🍤、魚塊，用脆卜卜嘅麵包包住，清潔完手之後，用手撕開麵包，點住醬汁一齊食，麵包吸晒醬汁嘅精華，香脆又惹味。
兩者咖喱汁食落味道唔同㗎，大蝦嘅咖喱多咗蛋漿，食落更幼滑，多咗一份甘甜。海鮮咖喱就比較香濃，各有特色！
甜品係芒果糯米飯，餐廳用上白糯米，煙煙韌韌，芒果選料上乘，入口真係超香甜又多汁👍🏻
張貼
