芝樂坊餐廳

營業中

休息中

噚日又早左放工，咁啱又喺尖沙咀嗰頭，就同同事去朝聖試吓 Cheesecake Factory。今日明明係星期二，我哋入咗餐廳以為今日係公眾假期，呢個時段來講算好多人，當然有啲係旅客啦⋯⋯因為夜晚約咗人食飯，所以我哋都唔敢叫太多嘢食，只係叫咗水牛城雞翼同一件原味芝士蛋糕。水牛城雞翼好多西餐廳都有，呢間整得幾好，雞翼解凍後要上粉（麵粉、香料、調味料等等…），等佢半個鐘至一個鐘先可以拎去炸，炸完再用個水牛城汁去煮，所以最難係頭幾步，個粉溝得好唔好、上唔上得實、同埋入唔入味。上菜時間好快，食物夠熱，汁唔多唔少啱啱好上得晒每隻雞翼同雞鎚。仲有個藍芝士醬，唔會太鹹，諗起都流口水。其實我本身唔係太食芝士蛋糕，一來我唔好甜品同甜嘢，二來好多時整得好實，三來通常係食完一輪嘢先食甜品，我咁細食都食唔落……不過，當我食呢個蛋糕第一啖就嚇左一跳！諗起以前食睇「伙頭智多星」（透露咗自己年齡…）個味王食完好味嘅野會叮一聲同飛來飛去個畫面，真係好好食！芝士味好濃郁好有層次，質感好好軟硬適中。終於明白點解咁多人嚟食……雖然餐廳收費唔算平，雞翼都一百六十幾蚊，但係量唔係少，建議大家人多少少，例如三至四人嚟食會比較化算同