粥麵館 (已易手) 新餐廳

粥麵館除咗有粥麵食, 原來仲有飯食o架!!! 仲要係原煲蒸, 只限12:00-2:00PM供應!!!加10蚊嘅例湯, 冇味精, 飲得過~梅菜肉餅飯-讚讚讚!!! 成煲飯一滴油都冇, 粒粒飯都咁飽滿, 仲要完全唔黐底, 好勁呀!!! 梅菜好甜, 肉餅都好好味!!! 個豉油都好甜, 好味到我地一粒米都冇食剩~香菇滑雞飯--呢個就有少少油, 應該係源自D滑雞... 可能梅菜肉餅飯太正, 所以覺得呢個香菇滑雞飯冇咁有驚喜, 但係都係唔錯嘅選擇~咁有HEART嘅原煲蒸飯, 都只係45蚊一煲!!! 用料靚, 環境舒適, 服務週到, 係鰂魚涌區實屬難得!!!