影片
更多
2015-08-14
308 瀏覽
三個麻甩三個飯！條街勁熱呀，求其衝上大代涼冷氣順便食個經濟 lunch 先，剛剛過兩點有特價，$28 個飯仲有汽水送，哈哈！食豪仲可以升級食多個點心都只係 $38 乍！三個餐夠食咯，加多個湯仲夠三個人飲添，埋單百五蚊有找仲要送三杯凍飲，好飽啊！，好靚仔喎，賣相吸引，飯香勾魂，等我隻碗分開排骨解構一下先。飯面有鳳爪及排骨既烙印，證明係原盅飯跟一齊蒸熟，排骨既肉汁、精華全部保留，滲入飽滿飯粒之中。先撈勻白飯，加入自家調製甜豉油再撈撈，最後加埋自家勁香辣既辣椒渣，非常香口惹味又醒胃！辣味跟甜味異常地合拍，正呀！飯粒夠飽乾爽，不過腍不過濕，合格。排骨肉多骨少無肥膏，啖啖肉既香又帶甜，仲有部份係軟骨添，趙到卜卜脆好過癮。咸魚肉餅飯，咸香撲鼻既咸魚撈上滑彈肉餅加甜豉油，每一啖都混和咸甜於一身，各走極端但撞得美味！肉餅仲加入馬蹄，令口感更為豐富。鱆魚肉餅飯，嘩！居然會有鱆魚肉餅，已經好少茶樓肯做喇。難得再遇，咀啖先！濃郁鱆魚香味滲入肉餅之中，食得到鱆魚肉彈牙粒粒，而且有爽甜馬蹄粒點綴一下。啖啖都要有香甜豉油撈上飽滿飯粒跟鱆魚肉餅一家團聚送入口，好喜歡鱆魚既鮮甜味，齒甲留香！四寶鮮淮山魚肚雞紮
，好靚仔喎，賣相吸引，飯香勾魂，等我隻碗分開排骨解構一下先。飯面有鳳爪及排骨既烙印，證明係原盅飯跟一齊蒸熟，排骨既肉汁、精華全部保留，滲入飽滿飯粒之中。先撈勻白飯，加入自家調製甜豉油再撈撈，最後加埋自家勁香辣既辣椒渣，非常香口惹味又醒胃！辣味跟甜味異常地合拍，正呀！飯粒夠飽乾爽，不過腍不過濕，合格。排骨肉多骨少無肥膏，啖啖肉既香又帶甜，仲有部份係軟骨添，趙到卜卜脆好過癮。
咸魚肉餅飯，咸香撲鼻既咸魚撈上滑彈肉餅加甜豉油，每一啖都混和咸甜於一身，各走極端但撞得美味！肉餅仲加入馬蹄，令口感更為豐富。鱆魚肉餅飯，嘩！居然會有鱆魚肉餅，已經好少茶樓肯做喇。難得再遇，咀啖先！濃郁鱆魚香味滲入肉餅之中，食得到鱆魚肉彈牙粒粒，而且有爽甜馬蹄粒點綴一下。啖啖都要有香甜豉油撈上飽滿飯粒跟鱆魚肉餅一家團聚送入口，好喜歡鱆魚既鮮甜味，齒甲留香！
四寶鮮淮山魚肚雞紮，又一旱見食材呢，只知道鮮淮山非常有益身體。我一向對淮山都麻麻地，但夾埋其他配料一齊煮又好好食喎。淮山粉口乾身，搭上爽滑濕潤魚肚，剛剛好呀！雞柳香甜滑溜大大舊加埋咸香火腿條無得頂！最愛魚肚，索晒雞汁同火腿咸香，棉滑致極，好好食呀！
家鄉咸水角，都好多年無食喇，回味先。皮做得出色，裡面嚥韌，外層炸得香脆，咬開睇您咩料。一點點豬肉，似乎有點空蕩蕩既感覺，餡料太少唔多食得到，味道合格既。
雷明蝦角，個名好搞笑喎，哈哈！金黃色既外衣仲好乾爽添，完全唔油膩，唔洗試都知勁脆啦！成粒啪入口，好熱呀！好采我飲開滾油，免強頂得住。十分香脆，趙到索索聲，蝦肉填得滿滿的，好足料，又鮮甜又爽彈又 juicy，滿分無得彈！
冬瓜薏米芡實燉水鴨湯，開心既時候好快過，話咁快又要講 bye bye！飲埋碗靚湯閃。個燉湯盅熱到辣手唔起呀，一開蓋香氣跟白煙緩緩升起。火喉十足，時令冬瓜水鴨勁補呢！飲左先講，湯汁鮮甜味濃，有淡淡瑤柱味道，冬瓜索盡精華勁好味，就算連芡實都好正啊，全部湯渣食晒，美味！大滿足！
張貼
