板神鉄板燒日本料理 (The Hennessy) (已結業)

同事生日想食板神鐵板燒，早前係觀塘分店book唔到位，還好book到銅鑼灣分店，同事話呢間鐵板燒食材新鮮，價錢公道味道好。今日我哋一行四同事一齊去試試！順道為生日同事慶祝。餐廳在30樓高層，遠望維多利亞港，景色怡人。我們四人安排坐在鐵板位，廚師精湛的廚藝盡在眼前。侍應招呼也週到，奉上每款食物都有講解一下。選擇了一款廚師發板套餐，一盆海鮮好新鮮！前菜有麵豉青瓜、水雲、日本蕃茄、煙三文魚沙律。我比較喜歡水雲擁有獨特的黏滑口感，酸酸地好開胃。日本蕃茄非常甜美，加左少少鹽吊味更可提升味道。煙三文魚帶著點煙燻的風味與鹹味，配上新鮮的沙律菜真係好好味啊！刺身每次都不同，每次都選最新鮮的，吞拿魚本身含豐富魚油， 油脂甘香，入口即化， 經過廚師燒過，魚的鮮味更濃，更甘香鮮甜！間八入口感覺爽口彈牙。深海池魚肉質鮮嫩肥美，魚油甘香。黑豚肉煎至微焦，肉質嫩味道濃，油脂甘香，加上包住的餡料係蒜和蔥，更味道更濃更香。白鱈魚煎到表面金黃色香脆，肉質嫩滑細膩，油份適中。大蝦兩食，經過廚師泡製後，蝦頭煎至香脆可口，蝦肉超級鮮甜彈牙，特別係嗰啲醬汁好好味！由會郁嘅鮑魚經過廚師處理，既鮮甜又彈牙。等待廚師炒飯時，先飲碗麵