影片
更多
2023-01-11
159 瀏覽
間唔中都會嚟鰂魚涌東匯坊食晚飯，之前幫襯過地庫嗰間石燒牛扒專門店，今晚唔想食住家飯，提議落嚟「醒辰冰室」開餐。餐廳以快速慢食(Fast Casual)為營運理念，店內裝潢時尚，牆上繪有由本地插畫家創作嘅壁畫，線條簡潔，率性幽默，為餐廳添上藝術氣息。冰室晚市有套餐供應，選擇非常豐富，足足有成 20 款，而且仲要免收加一，夠曬經濟抵食。我哋每人點咗一個 Dinner Set，套餐奉送意大利雜菜湯 或 西班牙火腿蜜瓜沙律，包咖啡或茶，配甜品亦只需另 +$15。個沙律做得好有誠意，唔單止擺碟精美，而且每件密瓜都用西班牙火腿包裹住，火腿片鹹香油潤，同清甜爽口嘅哈密瓜簡直係絕配！扒鮮三文魚伴雜果薯仔沙律 ($88) 三文魚扒大大塊，非常厚身，魚皮煎得超香脆，魚肉剛熟，火候控制得恰好，仍然保持嫩滑質感，入口啖啖肉，相當 Juicy。無諗過連薯仔沙律都有驚喜，雜果同薯仔嘅比例啱啱好，配上嘅酸酸甜甜沙律醬，很滋味，充滿港式茶餐廳風味。至於另一客烤紐西蘭香草牛柳伴意粉 ($128) 亦做得好有水準，牛柳嘅生熟度剛好，肉質軟滑，粉紅嫩心，再加上紅酒燒汁，令肉味更濃郁，以彈牙嘅意粉伴吃，Perfect Ma
間唔中都會嚟鰂魚涌東匯坊食晚飯，之前幫襯過地庫嗰間石燒牛扒專門店，今晚唔想食住家飯，提議落嚟「醒辰冰室」開餐。
餐廳以快速慢食(Fast Casual)為營運理念，店內裝潢時尚，牆上繪有由本地插畫家創作嘅壁畫，線條簡潔，率性幽默，為餐廳添上藝術氣息。
冰室晚市有套餐供應，選擇非常豐富，足足有成 20 款，而且仲要免收加一，夠曬經濟抵食。
我哋每人點咗一個 Dinner Set，套餐奉送意大利雜菜湯 或 西班牙火腿蜜瓜沙律，包咖啡或茶，配甜品亦只需另 +$15。
個沙律做得好有誠意，唔單止擺碟精美，而且每件密瓜都用西班牙火腿包裹住，火腿片鹹香油潤，同清甜爽口嘅哈密瓜簡直係絕配！
扒鮮三文魚伴雜果薯仔沙律 ($88) 三文魚扒大大塊，非常厚身，魚皮煎得超香脆，魚肉剛熟，火候控制得恰好，仍然保持嫩滑質感，入口啖啖肉，相當 Juicy。
無諗過連薯仔沙律都有驚喜，雜果同薯仔嘅比例啱啱好，配上嘅酸酸甜甜沙律醬，很滋味，充滿港式茶餐廳風味。
至於另一客烤紐西蘭香草牛柳伴意粉 ($128) 亦做得好有水準，牛柳嘅生熟度剛好，肉質軟滑，粉紅嫩心，再加上紅酒燒汁，令肉味更濃郁，以彈牙嘅意粉伴吃，Perfect Match。
一場嚟到，梗係要食埋甜品先走，意大利芝士餅 同 心太軟，每款都只係 $15，非常抵食。
Tiramisu 香軟滑溜，微苦嘅咖啡味，恰恰中和了咖啡酒嘅甜，也平衡了芝士嘅膩感，味道唔錯。心太軟有流心效果，入面嘅朱古力醬好濃郁，蛋糕亦非常鬆軟，為晚餐完美作結。
張貼
