鴨大哥 (太古坊)

營業中

休息中

鴨大哥🌟北京烤鴨🌟雲南黑土豬叉燒🌟梅子荔芋鴨煲🌟桂花雪梨脆鱔球🌟頭抽煎封大蝦最近聽講Michelin 3 stars 嘅廚魔開咗間新派中菜主打北京烤鴨，作為一個鍾意食中菜嘅Foodie當然要去試下la。我哋order咗全隻北京烤鴨，chef 主要將烤鴨分開左2大part, 一部分以烤鴨皮為主，一部分鴨肉為主。烤鴨皮嘅話推薦點麥芽糖食，有少少似傳統嘅砂糖食法，但係會更加香，同埋更加突出烤鴨皮嘅脆。而鴨肉部份嘅話，餐廳準備咗傳統嘅甜麵醬同埋日式芝麻醬，兩款加埋一齊令到成道菜冇咁油膩，可以食多幾啖片皮鴨啊。我哋都叫咗啲小菜一齊食，個人比較鍾意梅子荔芋鴨煲同埋桂花雪梨脆鱔球。荔芋鴨煲入面嘅芋頭應該係先炸再炆煮，充滿住酸酸甜甜嘅味道，但係口感又外脆內糯。超級好食，甚至比起鴨肉，我更加鍾意食佢嘅芋頭。至於桂花雪梨脆鱔球呢一道菜，我覺得佢整體嘅感覺都係比較清新，雖然係炸鱔球，但係食落冇負擔，加上半個桂花雪梨作為伴碟，最啱同埋烤鴨一齊食啊。呢間餐廳整體質素都唔錯，而且價錢唔貴，四個人買單都係千二蚊，覺得值得回頭再食。