影片
更多
2018-06-06
2896 瀏覽
請唔到假去旅行都唔使灰心，今日就帶呀媽黎一間位於旺角嘅台式餐廳止止癢，當去左台灣先！餐牌食物款式選擇多，有台灣著名的滷肉飯和牛肉麵。麵有湯麵和拌麵兩種，單是湯麵就已經有蕃茄、麻辣和肉燥幾種口味。鐵路雞扒滷肉飯飯粒很有口感，汁澇埋入啲飯度，好似意大利飯(risotto)。飯配菜是菜寶、粟米和紅蘿蔔粒，入口幾有口感。除左呢啲重有半隻鹵蛋。鹵肉幾大粒，有差唔多成隻手指尾嘅手指頭咁大，真係落足料呀！呢個飯特別嘅地方係飯同雞分開，雞扒另外用一隻碟盛載。開初一望「鐵路雞扒滷肉飯」呢個名以為係鐵板烤雞扒，仔細睇先知係「鐵路」雞扒，至於點解叫鐵路雞扒就不得而知了。雞扒烤得肉質實在，撈左啲甜甜地嘅醬汁，幾好味。蕃茄豬軟骨麵麵很有質感，唔會好腍，有啲煙煙韌韌。成個湯底都係將蕃茄弄成蓉而成的。蕃茄切成碎粒，食到蕃茄嘅鮮味。配菜有生菜，生菜好爽脆，食落去「索索」聲！滷水豬手肉燥乾拌麵麵質同蕃茄豬軟骨麵嘅麵一樣。豬手煮得剛好腍度，方便易咬，重啖啖肉添！呢個麵用左類似日式燒汁黎撈，食落甜甜地。撈埋d青瓜絲一齊食零舍fresh！因為鍾意食茄子就點了「五味小茄子」一試。恕我不是食神，沒有一條可以試得出「五隻味道」嘅舌
餐牌食物款式選擇多，有台灣著名的滷肉飯和牛肉麵。麵有湯麵和拌麵兩種，單是湯麵就已經有蕃茄、麻辣和肉燥幾種口味。
鐵路雞扒滷肉飯飯粒很有口感，汁澇埋入啲飯度，好似意大利飯(risotto)。飯配菜是菜寶、粟米和紅蘿蔔粒，入口幾有口感。除左呢啲重有半隻鹵蛋。鹵肉幾大粒，有差唔多成隻手指尾嘅手指頭咁大，真係落足料呀！呢個飯特別嘅地方係飯同雞分開，雞扒另外用一隻碟盛載。開初一望「鐵路雞扒滷肉飯」呢個名以為係鐵板烤雞扒，仔細睇先知係「鐵路」雞扒，至於點解叫鐵路雞扒就不得而知了。雞扒烤得肉質實在，撈左啲甜甜地嘅醬汁，幾好味。
蕃茄豬軟骨麵麵很有質感，唔會好腍，有啲煙煙韌韌。成個湯底都係將蕃茄弄成蓉而成的。蕃茄切成碎粒，食到蕃茄嘅鮮味。配菜有生菜，生菜好爽脆，食落去「索索」聲！
滷水豬手肉燥乾拌麵麵質同蕃茄豬軟骨麵嘅麵一樣。豬手煮得剛好腍度，方便易咬，重啖啖肉添！呢個麵用左類似日式燒汁黎撈，食落甜甜地。撈埋d青瓜絲一齊食零舍fresh！
因為鍾意食茄子就點了「五味小茄子」一試。恕我不是食神，沒有一條可以試得出「五隻味道」嘅舌頭。我只是試到茄汁和辣椒。茄子的面鋪滿木魚絲。雖然試唔到邊五味，但係要讚嘅係廚師好用心砌好個賣相，茄子呈金子塔形咁疊起，下面多啲茄子上面少啲。
滷味切豬耳豬耳切得很薄很細，落左少少芝麻粒同有切碎的椰菜。要讚佢專登落左啲菜令成道菜很健康。
去台式餐廳又點可以唔飲珍珠奶茶呢，跟餐只係加$12蚊咋，大大杯，好抵飲呀！
講埋環境先，呢間鋪頭有名你叫老街，顧名意義，店裏由裝修到音樂都旨在呈現一種老台灣的感覺。牆上掛滿台灣風景相片，還悉心用相架鑲好。重貼上了懷舊的宣傳海報。牆上還掛有一條條寫上不同菜式的木牌，字體不是打印上去而像是有人用毛筆寫上去一樣，很有個性和人情味。播放嘅音樂都係一啲懷舊的台灣金曲。我同媽咪一齊黎食，佢首首都識咁劑！我自覺年輕，除了偶爾聽過幾首熟悉的旋律外，大部分都沒聽過。🙈
踏出店門就即刻番番去香港，真係好似飛左一轉台灣咁呀～
張貼
