UCC Vienna Cafe

營業中

休息中

朋友係中電做，簡直同鐵飯碗冇分別，約佢食飯佢請，就近近地喺佢隔離個商場度，基本上冇乜選擇， ucc 已經算係坐得最舒服。大約＄100 個午餐都算幾抵食，仲有可以坐好耐慢慢傾又唔會趕你走，我就揀咗個芝士菠菜三文魚焗飯，嗰時以為要等好耐啦！焗飯通常都要等好耐，點知話咁快就到望落去好正常係三文魚就比較少啦！食落去就知啦！一啲都唔熱，感覺係 喛暖地，我唔使10分鐘就食晒，以焗飯嘅份量來講佢都幾少，芝士又冇乜味，我要狂攞芝士粉。呢個質素真係好普通，但杯凍咖啡真係仍然keep住幾好味，咩都夠晒香濃，為呢個午餐挽回不少分數。