九重鮮 (已結業)

之前九重鮮有任食蜆套餐我同阿妹兩個蜆怪就立即出動！一入門口就見到韓服試穿！但係我地都不為所動！因為我哋係門口就已經見到四大盤嘅貝類等緊我地！即刻放低啲嘢，叫咗弘益搭餐！粥底叫咗泡菜之後就去攞飲品，選擇都好多！除咗一般韓式飲品，仲有酒類可以選擇！轉角位仲有前菜區同埋醬料區一黎除咗粥底之外，就有帶子、鮑魚、龍蝦估唔到都好鮮甜！唔使點醬汁食都好正！之後我就立即去拎曬四款蜆黎做 blind test覺得白蜆最好食，又厚又多汁又甜好多隻都好大隻！唔係講笑！食咗幾轉已經好飽仲有飛仔式嘅放題任食！天婦羅、烤肉、串燒、炸物、涼菜、焗飯、韓國銀子燒種類實在太多，我地都食唔曬食到飽曬之後，先醒起仲有最底果個粥底加咗海鮮嘅精華，真係非常之鮮甜仲有個甜品：原個椰子王！都好好味！呢一餐真係好飽足呢個價錢真係好抵食！呢餐未食完已經諗定幾時可以再去過