七輪燒肉 (已結業)

之從堅尼地城站開左之後都未黎過, 今個週末大胃couple就黎呢邊行下, 晚餐選擇左呢間七輪燒肉, 餐廳樓底高而且座位寬敞, 2人都安排到4人枱, 形式係自己燒既, 雖然係咁, 油煙都唔算多~Menu有齊各款肉頖, 最吸引既莫過於A5和牛, 百幾蚊就有一份, 價錢唔貴~ 飲品要左細個好中意飲既波子汽水~先黎係A4黑毛和牛肩肉, 一份有5塊, 揀左配鹽醬, 見到d油脂好多, 輕輕燒熟2邊就食得, 和牛未算入口即溶, 但油脂幾香, 而且肉味香濃, 質感嫩滑, 唔錯~另外再點左A5黑毛和牛大三角, 呢份肉既油脂分怖更加多, 食落充滿油香, 比A4林一d, 但都未做到入口即溶既感覺, 但以呢個價錢係性價比高既, 肉既分量雖然唔多, 但因為油份重, 所以食幾塊已經開始膩~另外點左一份西班牙黑毛豬面頰肉, 配柚子醬, 黑毛豬面肉質嫩滑, 配左柚子醬幾清新特別, 豬味濃, 不過大胃couple就麻麻地豬味, 都係中意食牛多d~整體今餐大胃couple都食得幾開心, 都係果句, 野食唔係最重要, 重要係同邊個人食~