影片
更多
2023-08-14
160 瀏覽
星期日瞓晏少少同Mammy出去食個Brunch去咗觀塘海濱長廊附近呢間cafe 如果平時落開觀塘海濱跑步放狗睇口落之後又唔知去邊度食嘢好其實呢間都係一個唔錯嘅選擇喺正海濱公園隔離而且環境又寬敞舒服嘢食多選擇無論小食主菜定係甜品都一應俱全我都係近期先至發現呢間餐廳而且原來佢仲可以帶埋寵物去遲啲仲會供應埋寵物鮮食餐放完狗過到嚟真係fit晒最衰我係養喵喵唔鍾意出街如果唔係我一定會帶我嘅寵物過嚟玩好好享受一下🥗香煎三文魚扒配牛油果雞蛋南瓜沙律我娘親叫咗呢一個沙律材料新鮮配搭多元化佢最鍾意係個南瓜煮得啱啱好唔會太林而且係生酮餐單非常之咁健康一碟過就補充晒當日所需嘅營養😁🦀炸軟殼蟹漢堡配薯條隻軟殼蟹勁大隻我懷疑有兩隻😂而且啖啖肉唔係得啲軟殼蟹肉又鮮美無霉味薯條嘅份量勁多要我娘親幫手食先至食得晒而且佢激讚個薯條炸得好好調味都好適當以一個比較腌尖嘅娘親來講我覺得呢個真係一個好大嘅accomplishment🤣🤣叫呢兩個餐可以喺度坐幾個鐘慢慢食一路傾偈一路食當埋晚餐brunchner 都仲得🧀自家製意大利芝士餅Tiramisu我個人都幾鍾意食Tiramisu 因為覺得呢個甜品味道複雜又有層次又唔甜呢間C
去咗觀塘海濱長廊附近呢間cafe
如果平時落開觀塘海濱跑步放狗睇口落
之後又唔知去邊度食嘢好
其實呢間都係一個唔錯嘅選擇
喺正海濱公園隔離而且環境又寬敞舒服
嘢食多選擇無論小食主菜定係甜品都一應俱全
我都係近期先至發現呢間餐廳
而且原來佢仲可以帶埋寵物去
遲啲仲會供應埋寵物鮮食餐
放完狗過到嚟真係fit晒
最衰我係養喵喵唔鍾意出街
如果唔係我一定會帶我嘅寵物過嚟玩好好享受一下
🥗香煎三文魚扒配牛油果雞蛋南瓜沙律
我娘親叫咗呢一個沙律
材料新鮮配搭多元化
佢最鍾意係個南瓜煮得啱啱好唔會太林
而且係生酮餐單非常之咁健康
一碟過就補充晒當日所需嘅營養😁
🦀炸軟殼蟹漢堡配薯條
隻軟殼蟹勁大隻我懷疑有兩隻😂
而且啖啖肉唔係得啲軟殼蟹肉又鮮美無霉味
薯條嘅份量勁多要我娘親幫手食先至食得晒
而且佢激讚個薯條炸得好好調味都好適當
以一個比較腌尖嘅娘親來講
我覺得呢個真係一個好大嘅accomplishment🤣🤣
叫呢兩個餐可以喺度坐幾個鐘慢慢食
一路傾偈一路食當埋晚餐brunchner 都仲得
🧀自家製意大利芝士餅Tiramisu
我個人都幾鍾意食Tiramisu
因為覺得呢個甜品味道複雜又有層次又唔甜
呢間Cafe嘅自家製嘅意大利芝士餅
雖然價錢係比較貴要$68
但係食得出係有心機嘅製作而且份量可以兩個人share
每一個層味道都非常之突出
咖啡味夠濃烈蛋糕夠濕潤加上幼滑芝士
配搭埋面頭一層薄薄嘅朱古力粉
😍😍😍😍😍😍😍😍😍Super ho mei!!!!
🍰豆腐芝麻蛋糕
至於我媽咪就挑選咗呢一個豆腐芝麻蛋糕
佢哋啲老人家口味都係鍾意呢啲類型淡淡地夠天然
佢都非常之欣賞呢個蛋糕覺得好似食緊芝麻糊豆腐花咁樣
我真係覺得好欣慰佢對呢一餐評價都非常之高😂
環境嚟講就真係幾舒服幾好坐
枱同枱之間有好大空間講嘢大聲少少都唔會俾人哋聽到
户外空間都好大如果帶狗狗嚟可以周圍跑一定好開心😛
不過今日有啲落雨所以我就冇出去參觀喇
下次如果有機會真係要約埋啲養狗嘅朋友一齊嚟
絕對值得推薦!!!!!!
三文魚扒南瓜牛油果雞蛋沙律
7 瀏覽
0 讚好
0 留言
4 瀏覽
0 讚好
0 留言
4 瀏覽
0 讚好
0 留言
6 瀏覽
0 讚好
0 留言
桂圓紅棗茶
1 瀏覽
0 讚好
0 留言
張貼
