MOS Burger (已結業)

得知灣仔開咗 Mos Burger，當然第一時間去幫襯。去到先知原來已經開咗近一個月。去新店幫襯之餘，都順道試個新包：大阪燒珍珠堡($26)。飯堡一向以來都係MOS的代表作，飯本身無得彈。今次係模仿大阪燒，以海鮮製作，有蝦、帶子和魷魚，炸的香氣加上海鮮的鮮味，還有煎蛋和椰菜絲，擁有不同層次的口感。大阪燒是日本關西的美食代表，主要用海鮮或肉類和蔬菜加入漿在鐵板上煎成，隨時代轉變，用料也有改進，是當地十分普遍的食品。MOS今次將大阪燒化成漢堡，可謂大膽的嘗試。老實講，單聽個名只係得一半信心，見到張相有7成，依家食完我會話你知一定要試。因為新店近公司，我決定要在供應期間食多幾次。