影片
更多
2023-02-08
4236 瀏覽
去極唔厭嘅蒸海鮮店🦪鍋心八鮮蒸鍋@steam.sweet.seafood 相隔3-4個月已經食咗第2次嘅我終於的起心肝寫鍋心嘅食評。我周圍同朋友推薦鍋心，唔係冇原因的😋🍽人均：$228-$278加一（睇你揀咩set）（飲料另加）🕰時間：鍋心每日1點開門，但未開市ga，想預約要1點後打電話。每日只做2輪晚市生意，第一輪係17:30-20:00，第二輪係20:00-22:30。所以想食就要打電話去留位啦😊walk in基本上唔會有位我就2次都係揀$248龍蝦餐，因為我同朋友都冇對蟹有特別渴求🤣講起鍋心第一件事係要特別讚揚店員姐姐，因為基本上喺餐廳我哋除咗一開始點餐之後，之後咩都唔洗做😋等姐姐安排上菜，計時蒸海鮮，等等，好專業！以下係個上菜順序：1. 6小時足料燉湯（每日唔同）2. 2款餐點海鮮，睇你揀咩餐（白蜆、龍蝦、肉蟹）多種唔同煮法，如清蒸、泰式醬、金銀蒜、古法豆醬等）3. 自選6款時令海鮮（鮑魚、海蝦、聖子、蠔、元貝等）都係自選唔同煮法！❤️我就最愛沙嗲魷魚腸粉、羊肚菌蒸滑雞、同金銀蒜聖子😋4. 八實蒸飯自選8種材料，店員會幫你蒸，出嚟效果有啲似煲仔飯，但好香👍🏻我推薦一定要加臘腸同秘
@steam.sweet.seafood
相隔3-4個月已經食咗第2次嘅我終於的起心肝寫鍋心嘅食評。我周圍同朋友推薦鍋心，唔係冇原因的😋
🍽人均：$228-$278加一（睇你揀咩set）（飲料另加）
🕰時間：鍋心每日1點開門，但未開市ga，想預約要1點後打電話。每日只做2輪晚市生意，第一輪係17:30-20:00，第二輪係20:00-22:30。所以想食就要打電話去留位啦😊walk in基本上唔會有位
我就2次都係揀$248龍蝦餐，因為我同朋友都冇對蟹有特別渴求🤣
講起鍋心第一件事係要特別讚揚店員姐姐，因為基本上喺餐廳我哋除咗一開始點餐之後，之後咩都唔洗做😋等姐姐安排上菜，計時蒸海鮮，等等，好專業！以下係個上菜順序：
1. 6小時足料燉湯（每日唔同）
2. 2款餐點海鮮，睇你揀咩餐（白蜆、龍蝦、肉蟹）多種唔同煮法，如清蒸、泰式醬、金銀蒜、古法豆醬等）
3. 自選6款時令海鮮（鮑魚、海蝦、聖子、蠔、元貝等）都係自選唔同煮法！
❤️我就最愛沙嗲魷魚腸粉、羊肚菌蒸滑雞、同金銀蒜聖子😋
4. 八實蒸飯
自選8種材料，店員會幫你蒸，出嚟效果有啲似煲仔飯，但好香👍🏻我推薦一定要加臘腸同秘製雞軟骨肉餅！個飯出嚟會香噴噴！我見大部分食客（包括我）去到依個階段都一食唔哂個飯架啦😆店員都見慣不怪，打包就得，唔好浪費，第二日食都仲好好食架！
5. 自家製燉甜品🍨個糖水2次都冇令人失望！好健康嘅感覺，似真係屋企阿媽自己燉咁👍🏻第1次係雪梨雪耳，第2次係紅棗桂圓❤️
鍋心真係勁多自選mix and match嘅感覺，但每個選擇都唔會後悔！CP值高！
Bible rating: 10/10
📍地址：鍋心八鮮蒸鍋 (太子)
太子花園街207-209號地舖
張貼
