影片
更多
2011-09-07
215 瀏覽
今日同媽咪慶祝生日，專程係流浮山歡樂訂咗張枱食海鮮。一坐低，便送上酸蘿蔔同皮蛋，酸蘿蔔爽脆，但係碟皮蛋就有d怪味，應該係壞咗，不過嗰待應好快就換過碟，抵讚首先，緊係黎嗰湯先啦，係鮑魚響螺燉花膠，因為製作需時，如果係平日黎，一定要預早一日訂，否則燉唔切；因為我好鍾意飲呢嗰湯，雖然今晚只得四個人，所以我都叫咗嗰加大湯渣好多，好足料，數一數，鮑魚仔都有十幾隻，仲有四隻特別大隻，真係要多謝老闆B哥特別關照，花膠亦特別厚身，有咬感，好膠，好味道；但係埋單時，發覺嗰湯要$1680 (唔加大就$1380)，好貴所以覺得唔多歡樂 (唔知有冇記錯，以前飲開都好似唔駛$1000)白灼花甲，好鮮味，四個人食，唔係好多，$128。跟著主角出場啦，黃油蟹；今日呢兩隻，唔係好大隻，約八兩一隻，但係就非常”黃油”，成隻都係膏，只可惜有隻有少少漏油，導致入面d膏，有點兒過熟，否則應該更好食，，每隻$680，價錢合理果皮蒸大連六頭鮑，冇秤過，唔知是否真係六頭，但size都唔細，質感唔錯，但總係覺得南非鮑會比較鮮味，四隻共$392，唔算平。清蒸黃皮老虎斑，一斤二兩，$468，$26一兩，唔算貴，老闆仲話一定係海魚，唔會係
一坐低，便送上酸蘿蔔同皮蛋，酸蘿蔔爽脆，但係碟皮蛋就有d怪味，應該係壞咗，不過嗰待應好快就換過碟，抵讚
首先，緊係黎嗰湯先啦，係鮑魚響螺燉花膠，因為製作需時，如果係平日黎，一定要預早一日訂，否則燉唔切；因為我好鍾意飲呢嗰湯，雖然今晚只得四個人，所以我都叫咗嗰加大湯渣好多，好足料，數一數，鮑魚仔都有十幾隻，仲有四隻特別大隻，真係要多謝老闆B哥特別關照，花膠亦特別厚身，有咬感，好膠，好味道；但係埋單時，發覺嗰湯要$1680 (唔加大就$1380)，好貴所以覺得唔多歡樂 (唔知有冇記錯，以前飲開都好似唔駛$1000)
白灼花甲，好鮮味，四個人食，唔係好多，$128。
跟著主角出場啦，黃油蟹；今日呢兩隻，唔係好大隻，約八兩一隻，但係就非常”黃油”，成隻都係膏，只可惜有隻有少少漏油，導致入面d膏，有點兒過熟，否則應該更好食，，每隻$680，價錢合理
果皮蒸大連六頭鮑，冇秤過，唔知是否真係六頭，但size都唔細，質感唔錯，但總係覺得南非鮑會比較鮮味，四隻共$392，唔算平。
清蒸黃皮老虎斑，一斤二兩，$468，$26一兩，唔算貴，老闆仲話一定係海魚，唔會係養魚，不過我都唔識；不過條魚的確滑身，應該係海魚，但我就始終比較鍾意東星多d，肉身比較晶瑩剔透，哈哈。
最後，就係招牌菜之一，柱皇醬汁焗龍蝦，平時我比較鍾意用大花蝦，唔用龍蝦，因為大花蝦嘅肉身，絕對唔會差過龍蝦，一樣爽甜彈牙，而且仲多肉過龍蝦，絕對抵食過龍蝦，只不過今晚老闆話大花蝦已經賣哂，剩番d鬼蝦，睇落都好大隻，不過老闆話鬼蝦一定冇大花蝦咁好食，所以叫我哋食龍蝦，$1122，唔算平，但可接受，鬼叫我特別鍾意食呢個柱皇醬汁咩，呢個汁撈埋嗰炒麵底，簡直係人間極品，專程走黎流浮山，就係要食呢個炒麵，一來夠香口惹味，二來又有d蝦嘅鮮味，水準依然，非常正。
加多碟蝦醬炒通菜，完成今晚嘅飯局。原本想食炸子雞，但係唔記得訂，所以賣哂，冇得食又係招牌菜之一，皮脆肉嫩，水準之作；仲有個食神炒飯，又係招牌菜之一，好多朋友已經介紹過，不用多說，最精彩嘅就係果d鋪係飯面嘅蟹子，簡直可以話，起咗”畫龍點睛”之效，令呢個炒飯，更加出神入化，不過今晚實在太飽了，容不下這個食神炒飯。
如果黎食飯，燉湯同炸子雞，一定要訂，否則多數會售罄。
埋單總數$5280，平均每人$1320，雖然每人食咗半隻黃油蟹，但係都覺得貴；其實貴在嗰湯，減去湯$1680和黃油蟹$1360，每人平均伍百幾，比較合理
張貼
