鴨子園 (已結業)

第一次同細佬媽咪去食飯，諗住近近地落屋企樓下商場食。因為最近商場新裝修完，媽咪又鍾意食中菜，最後就選擇咗去呢間試下。呢間招牌菜係片皮鴨咁就一定要試啦！但我地人少只可以叫半隻，但都份量都唔少。另一個我最鍾意就係黃金蝦同埋醋脆鱔，一試難忘。黃金蝦份量唔多，但真係每啖都充滿住咸蛋黃香味，好正呀！個脆鱔係我最愛，平時我係唔食酸，仲要係好怕酸！但佢味道唔太酸又keep到香脆，而且黑醋汁比紅醋香濃。最後食唔曬我都無做大哂鬼，打包返屋企留返第二晚加餸。細佬就叫咗黃金四季豆，又係食到無停口，超香！媽咪就叫咗個鴨子園炒飯，我就無食，因為我唔鍾意食飯但另一個口水雞就略嫌唔夠速，花生芝麻太少，唔夠香辣，不過肉嫩嘅。下次返娘家又多個食堂喇！